Reality of Ayesha Gulali Allegations against Imran Khan and other PTI leaders

عائشہ گلالئی کے الزامات
آج عائشہ گلالئی نے چند ایک اینکرز کے پروگرامز میں اپنی طرف سے عمران خان پر لگائے گئے الزامات کے سلسلہ میں بات کی اور اپنے الزامات کو بے بنیاد ماننے سے انکارکرتے ہوئے کہا کہ تمام الزامات حقیقت پر مبنی ہیں۔ آئیے تھوڑی سی بات عائشہ گلالئی کے الزامات اور ان کی حقیقت پر بھی کر لیتے ہیں۔
1۔ عائشہ گلالئی نے اے آر وائی ٹی ویی پر کاشف عباسی سے بات کرتے ہوئے بالآخر یہ بات تسلیم کر لی کہ NA-1 کا ٹکٹ مانگا تھا لیکن ٹکٹ نہ دیا گیا۔ لیکن تھوڑی دیر بعد جب مبشر لقمان کے پروگرام میں گئیں تو وہاں پر کاشف عباسی کے پروگرام میں کہی گئی بات سے مکر گئیں اور کہا کہ NA-1کے ٹکٹ کی بات کاشف عباسی نے مجھ سے نکلوائی۔ حالانکہ انسان کےسے کوئی دوسرا وہی بات اگلوا سکتا ہے جو کہ سچ ہو۔کبھی بھی کوئی بھی شخص ہم سے ایسی بات نہیں اگلوا سکتا جو کہ ہم نے نہ کی ہو یا ہماری خواہش نہ ہو۔

مبشر لقمان سے بات کرتے ہوئے عائشہ گلالئی نے اس بات پر تو بہت زور دیا کہ عمران خان نے مجھے گندے میسجز کیے ہیں لیکن اس بات کا ثبوت دینے سے قطعاً انکار کر دیا۔
دوسری طرف عائشہ گلالئی نے امیرمقام اور پاکستان مسلم لیگ (ن) کو اس بات پر تو ہرجانے کا نوٹس بھیجنے کا دعویٰ کیا ہے کہ انہوں نے یہ بات کہی ہے کہ عائشہ گلالئی کی امیرمقام سے ملاقات ہوئی ہے اور امیر مقام کی دعوت پر عائشہ گلالئی نے ن لیگ میں شمولیت اختیار کرنے کا فیصلہ کر لیا ہے لیکن اپنے اس دعویٰ کے حق میں کوئی ثبوت پیش نہ کیا کہ بقول ان کے انہیں پی پی پی ، مسلم لیگ (ن) اور جماعت اسلامی کی طرف سے اپنی اپنی جماعتوں میں شمولیت کی دعوت دی جا رہی ہے۔
عائشہ گلالئی کی جس بات نے سب سے زیادہ اس کی کریڈیبیلیٹی کو خراب کیا ہے وہ اس کی طرف سے پی ٹی آئی چھوڑنے کے باوجود پی ٹی آئی کی طرف سے عنایت کردہ مخصوص نشست کو نہ چھوڑنے کا اعلان ہے۔ حالانکہ جب بھی کوئی بھی سیاست دان چاہے اس نے الیکشن لڑکر ہی سیٹ کیوں نہ جیتی ہو جب وہ پارٹی چھوڑتا ہے تو ساتھ میں اس سیٹ سے بھی استعفی دے دیتا ہے۔ لیکن نہ جانے عائشہ گلالئی کیسی غیرت منداوربااصول خاتون سیاست دان ہیں کہ 2013 میں بھیجے گئے عمران خان کے گندے میسج کے باوجود دودن پہلے تک وہ عمران خان سے ملاقات کرنے بنی گالہ تو چلی گئیں اور وہاں سے واپس آنے کے بعد انہیں یاد آیا کہ عمران خان ایک انتہائی گھٹیا کردار کا مالک ہے لہٰذا اسے پی ٹی آئی کو چھوڑ دینا چاہیے لیکن پی ٹی آئی کی طرف سے ملنے والی مخصوص نشست کو چھوڑنے کےلئے نہ تو عائشہ گلالئی کے ضمیر نے مجبور کیا اور نہ ہی ان کے اصولوں نے انہیں مجبور کیا کہ وہ پی ٹی آئی کی طرف سے ملنے والی سیٹ کو چھوڑ دیں۔
بی بی کوئی اصول ہوتا ہے۔ کوئی ضمیر ہوتا ہے۔
تحریر ~عاصم اعوان~

Ayesha Gulalai Press Conference and Reaction of PTI

عائشہ گلالئی کی پریس کانفرنس اور پی ٹی آئی کارکنان کا ردعمل           تحریر:عاصم اعوان

ناز بلوچ کے بعد پاکستان تحریک انصاف کی ایک اور خاتون رہنما عائشہ گلالئی نے بھی پی ٹی آئی کو چھوڑ دیا لیکن عائشہ گلالئی نے نازبلوچ کے برخلاف پارٹی چھوڑنے کے ساتھ ہی پریس کانفرنس کرتے ہوئے پی ٹی آئی کے چیئرمین عمران خان،خیبرپختونخواہ کے وزیراعلیٰ پرویز خٹک اور جہانگیرترین پر شدید قسم کے الزامات عائد۔ یہ الگ بات ہے کہ عائشہ 

گلالئی نے اپنے کسی بھی الزام کا کوئی بھی ثبوت پیش نہ کیا۔

جب سے عائشہ گلالئی نے پاکستان تحریک انصاف کو چھوڑنے کا اعلان کیا اور اس سلسلہ میں ایک پریس کانفرسن کی اور اپنی کانفرنس 

میں عمران خان پر بے تحاشا (اور میری ذاتی رائے کے مطابق پست الزامات)الزامات عائد کیے ہیں۔ اور کسی بھی الزام کا کوئی ثبوت پیش نہیں کیا حالانکہ اگر وہ سچے الزامات لگا رہی تھیں تو کم از کم اپنا موبائل فون دکھا کر اور پرویز خٹک کی کرپشن کے خلاف ثبوت، جو کہ بقول عائشہ گلالئی کے اس نے عمران خان کو پیش کیے، وہ میڈیا کے سامنے پیش کر سکتی تھی لیکن ایسا کچھ بھی نہی کیا۔ 

لیکن یہاں پر اس تحریر کا مقصد عائشہ گلالئی کے الزامات کی صحت پر بحث کرنا یا انہیں جھٹلانا نہیں ہے۔ بلکہ عائشہ گلالئی کی پریس کانفرنس کے بعد سے پی ٹی آئی کے ورکرز کی طرف سے سوشل میڈیا پر جاری ردعمل سے بحث کرنا ہے۔ میری اپنی پوسٹ پر بھی پی ٹی آئی کے ایک کارکن نے عائشہ گلالئی کی بہن کی ایک تصویر شئر کی ہے جس میں وہ سپورٹس ورک آؤٹ کے بعد اپنے کوچ(یا کسی آفیشل سے اپنے پاؤں دبوا رہی ہے) اور اسی طرح پی ٹی آئی کے پیجز اور گروپس میں عائشہ گلالئی کی بہن کی دوران سپورٹس مختلف تصاویر جن میں وہ مردوں کے ساتھ بیٹھی ہے یا کسی مرد آفیشل سے کسی نہ کسی چوٹ پر دوائی وغیرہ لگوا رہیے ، شیئر کررہے ہیں اور عائشہ گلالئی کو مسلسل ننگی گالیاں دے رہے ہیں اور ان کی بہن کو لے کر یہ اعلان کر رہے ہیں کہ عائشہ گلالئئی اور ان کا خاندان ایک انتہائی اخلاق باختہ اور گھٹیا خاندان ہے۔ میراپی ٹی آئی کے کارکنان اور لیڈرشپ سے یہ سوال ہے کہ کیا عائشہ گلالئی کی بہن شروع سے ہی ایسی تھی یا ابھی عائشہ گلالئی کی پریس کانفرنس کے بعد ہی وہ سپورٹس میں گئی ہے اور یہ حرکتیں کی ہیں؟ کل تک تو آپ لوگ عائشہ گلالئی کی تعریفوں میں زمین آسمان کے قلابے ملاتے نہیں تھکتے تھے اور ابھی اچانک ہی آپ کو اس کی بہن اور خاندان میں برائیاں کیوں نظر آنا شروع ہوگئی ہیں۔

پی ٹی آئی کا شروع دن سے یہ بہت بڑا المیہ رہا ہے کہ جو بھی پی ٹی آئی کی طرف داری نہ کرے یا پی ٹی آئی کو چھوڑے اس پر بےہودہ قسم کی الزام تراشی شروع کر دو اور اس کے خاندان کو لے کر طرح طرح کی الزام تراشی شروع کر دو۔

پی ٹی آئی کے اس رویہ کا نقصان اور کسی کو نہیں بلکہ سب سے زیادہ خود پی ٹی آئی کو ہی ہوگا اور ہو رہا ہے۔ عمران خان کو چاہیے کہ وہ اپنے ورکرز کی ان حرکتوں کا نوٹس لے بلکہ ورکرز کا نوٹس لینے سے پہلے خود اپنی ذات کو بھی خوداحتسابی کے عمل سے گزارے اور اپنا، اپنی پارٹی کے رہنماؤں اور کارکنان کی اخلاقی تربیت کرے ورنہ شائد اگلے انتخابات میں ہی کہیں پی ٹی آئی کا نام و نشان ہی نہ مٹ جائے اور نیا پاکستان بننے سے پہلے ہی ختم نہ ہو جائے۔

~عاصم اعوان~